أبيات من الشعر الشعبي بمناسبة رغبة السيد مقتدى الصدر أن يصبح مرجعا دينيا..!

أبيات من الشعر الشعبي بمناسبة رغبة السيد مقتدى الصدر أن يصبح مرجعا دينيا..!

عبد الله الشمري

أمس گالوا بالأخبار السيد يريد يصير..
مرجع يفتي للناس بأمور الدين !
چا هوه شنو بطل من البليارد ؟
لو عاف الأتاري ولعبة الأكشين..
لو طگت براسة يصير عالم دين ؟
لو جاله الأمر من إيران..
غيّر ثوبك وافتي للصدريين ؟
شنو؟ ماظل بالعراق الا ولد معتوه..
يقرر مصير الناس دنيا ودين ؟
يخي شنهو المراجع گلبوا ابفد يوم ..
لو ارهابي فجرهم واصبحوا ميتين ؟
سألت هنا .. وسألت هناك..
ماجاوبني أحد .. لأن الناس مشدوهين !
هذا مهجّر وساكن بخيمة..
وهذاك أنفجع بفراگ المحبين..
شنهو السالفة وين المراجع وين ؟
عمايم سود متروسة النجف يفلان !
على الله وعلى كروكر* معتمدين
فتاويهم تحلل مايحرم الله..
المهم الفتاوي متزعّل المحتلين..
من كثر العمايم خلص ماظل قماش
بس راجت ونجحت شغلة الخياطين..
يخيطون العمامة والچفن نفس اليوم !
والسيد يحتفل بالجثث والمجهولين..
يفرح من يشوف الناس تتطشر..
ويحزن من يشوف الشعب متوحدين !
شلون ويه الوكت ياناس يمعودين ..
العاف الحمير وياخذ الطيبين !
تارك هالمراجع تنهب الخيرات..
وأبناء الشعب مرضى وجوعانين !
عمت عين السيوف الماتگص أرگاب..
وتدحرج عمايم ناس معتوهين..