|
|
| مميز: لقد قامت إدارة تويتر (X) بإيقاف حساب الشيخ في تويتر hamed_alali
وهذا عنوان حسابه الجديد
hamedalalinew |
|
أذكره مره دعا دعوه وقال .... ليت ربي بس يقبلني شهيد ..!
مايبي من زخرف الدنيا دلال ..... احتسبها عند خلاق العبيد .. !
هو يفكر .. كيف تحرير الكرامه ..؟
وكيف يجتاح الضياء .......
وحنا لازلنا نفكر في بهاء ..!!
وفيك يامحمد عطيه ...
وفي نزيف الكبرياء ...!
يصرخ يقول القضيه ..
بح صوته ...؟
بس حتى في سكوته ..
كانت عيونه تقول ...
ليه ضيعتوا الهويه ...؟
في سبيل الإنحناء ..
تحت أقدام (( الزعامه )) ....!
كانت الدنيا تحت رجله خجــــــوله ... كيف تحمل شخص يرمز للطهاره
شخص حتى في انكساره او ميوله ... علم الأمه أساليب الجســـــاره
وحنا لازلنا نغني ..
(( حي زولٍ مرني ياحيه )) ..؟؟
هو سعى لليل هاجد ...
و حنا حاربنا المساجد ...؟
والمبرر .. لاعليك ولا عليه ,,
غير ذنب ويغفره رب البريه ..!
ياســـــــــلام ...
ما أنتظر منا فعل ...
يدري فينا ....
حنا (( صناع الكلام )) ..!
لارمونا بالقنابل ...؟
مايخاف ..
حنا نرميهم قصيد ..!
وهيا هيا للأمام ..
شوفنا وحنا كثير ...
اوف ياكثر الزحام ...
بس ماننصر قضيه ..
دام كل الجيش هذا ..
عند باب المسرحيه ..
ينتظر عادل إمام .....!!؟
وانت تصرخ ..
ليه ضيعتوا الهويه ...
في سبيل الالإنكفاء ..
داخل ثياب (( البهامه )) ...!
كنت شخص ولو نصفتك كنت أمه .... كنت قايد للحماس وللعزيمـــــــــه
بس حنا ويش .. يانـــــــسل الأئمه ..... (كالغثاء ) الي خلا من أي قيمه ..؟
تدري عاد ...
حنا في الدنيا عدد ..
الوظيفه :
نعشق انواع الرقاد ..!
العمر :
خمسين عام من الفساد ..!
الهوايه :
نحبط أنصار الجهاد !!!؟
الإسم :
شارون سمانا (( حصاد )) ...!!؟
أي قضيه ..؟
وناينا ... يعزف حزن ....
وأن جهشنا أو بكينا ..
كلنا ندفع ثمن ..!
طالبك شفها يدينا ...
غارقه بدم الوطن ..
لايهمك ماعلينا ...
يحسبونك مت ...
وانت تعيش فينا ....!
لاطرى ذاك السؤال ...
ليه ضيعتوا الهويه ...؟
في سبيل الانطواء ...
تحت يدين (( الرخامه )) ..؟
الامل موجود دام انت الـــــــطريق .... نسكله او بعض منا يسلكــــــــه
وان يبس من شـــــدة الاهوال ريق ..... معركه تتبع وراها معـــركه ..!!
يانفيق اليوم والا مانفيـــــــــــــق .... هو بعد موتك (( سلام وتكتكه ))؟؟
غرداو والصوت يشبه للنعيــــــق ..... من دعا للذل مافيه بركــــــــه ...!
ومن مشا مع وصف خارطة الطريق .... ضيع اليمه وضيع مسلـــــــــكه ...؟
مالهم مقعاد فالقدس العتيـــــــق .... أدري هذا الشطر دايم نعلكه ....؟؟
شفت ياقايد حمااااااس ...!؟
قلت لك لامت .,.. طلبه لاتخاف ..
كلنا قوه وباس ...
نشعل الدنيا قصايد ...!!
للهجاد وللجهاد !!
وللعظام وللسلام ...!!
وللشهيد وللوليد ..!!
وللشهامه وللكرامه ..!!
وللرجوله وللبطوله ..!!
وللهويه وللقضيه !!!
ولاخلصنا ......
نرجع ونصبح مداس ... !!
شفتنا ياشيخ ياقايد حماس .............؟
ومن سألنا ليه ضيعتتوا الهويه ...
تحت مفهوم الغباء ...
نضحك ونسفه كلامه ....
ونرجع ندور هويه ...
في بهاء ..
او فيك يامحمد عطيه .... ..... ؟
للشاعر / ناصر البرّاق العتيبي
الكاتب: ناصر البراق العتيبي
التاريخ: 01/01/2007
عدد القراء: 5184
أضف تعليقك على الموضوع
|
تعليقات القراء الكرام
|
|
