نكتة ثورة !!.. حدث في فرع الأمن العسكري 215 بالشام ..

 

حدث في فرع الأمن العسكري 215 بالشام .. 

فوتولنا دفعة مساجين جدد .. و سكروا الباب .. واحد من الشباب الجدد طلّع فينا .. و قال : مرحبا ثوار !!
فتح السجان الباب و قال : مين ابن الـ****** اللي قال هيك ؟!؟!
ما حدي جاوب .. قال معكم خمس دقايق .. إذا ما بتحكوا جهزوا حالكم لعقوبة جماعية !
راح دقيقتين و رجع .. وقف واحد من الشباب و قلو : أنا اللي حكيتها !! ما خلّا عليه مسبة و أخده عالتحقيق و نزلوا فيه سب و خبط و ضرب !!

رجع بعد فترة عالزنزانة .. فسأله واحد من الشباب .. قلو : أخي إنت شو تهمتك ؟ ليش إنت هون ؟!
فرد عليه .. قلو : والله أنا من حرستا .. و كنت نازل عالشام .. و وقفني حاجز قام قلتلون " مرحبا شبيحة " قام اعتقلوني و جابوني لهون !!

ضحكوا الشباب و صاروا يسألوه عالأخبار برا .. المهم بعد يومين إجو لياخدوه عند المحقق ليطلق سراحو !!
قلو المحقق : ليك هالمرة رح مرقلك ياها بيومين .. المرة الجاية بسنتين ما بطالعك .. فهمت ولاك !!
فرد عليه الشب : هلأ شغلة يومين فهمناها .. بس مفكر رح تضلو سنتين لتحبسوني !!!

عصب المحقق و نزل فيه خبط .. و رجّعه لعنا عالزنزانة .. بعد شوي أخدوه من عنا .. و سمعنا إنو قاعد بزنزانة انفرادية 

التاريخ: 06/05/2013